鵬哥全晚都表現得好開心。
由阮兆祥、李思捷、王祖藍主持的TVB節目《福祿壽訓練學院》本周日晚(4日)播出頒獎禮篇，由3位導師及24名學員攜手炮製一個既土炮又多元的頒獎禮，繼昨日公布提名名單後，今日大會發布頒獎禮嘉賓陣容，並由82歲「扮嘢界始祖」盧海鵬獲頒榮譽博士。
兩分鐘影片回顧經典
82歲盧海鵬去年自揭右眼失明，不過仍然精靈及中氣十足，今次他在節目中獲頒「福祿壽訓練學院榮譽博士」，製作組預備了長約兩分鐘的鵬哥經典扮嘢造型回顧影片，計有當年在《歡樂今宵》中的羅人、撻成一塊、盧氣廷，分別唱出《幾許瘋語》、《壽頭記》及《陪着你嘔》可謂百看不厭。
分享7字真言扮嘢心得
福祿壽更會以鵬哥三個經典扮嘢造型亮相，並致辭及表演向鵬哥致敬。82歲的鵬哥依然相當玩得，上台領獎時不忘搞Gag兼開心謂：「喺TVB做咗好多年㗎喇，但係始終都冇獎項呀，點知依家我唔撈咁耐喇，佢又記得喎。」鵬哥大拋7字真言扮嘢心得。福祿壽三子完成表演後，聯同一眾學員齊齊向鵬哥送上「福祿壽」小豬公仔，全場掌聲如雷，配以鵬哥開心的表情，場面感人。
amJetso 送BIODERMA救星小紅瓶🩷護膚恩物 立即按此參加👇
