《聲生不息》尋晚播第5集，並非歌手出身嘅林曉峰演唱張國榮嘅《今生今世》，並且憶述當年同哥哥一齊拍《金枝玉葉》嘅點滴。始終係音樂節目，講得幾動人都好，阿Lo唱成點先？
唔少網民都喺TVB facebook嘅節目影片下面留言，讚嘅人唔算少，不過都係一句起兩句止，有人讚佢唱得好過好多「所謂歌手」。但係負評就不得了咯。
51歲嘅林曉峰早年因為《古惑仔》系列電影而被內地觀眾認識，2年前離婚後主力北上發展，參加綜藝《大灣仔的夜》及《披荊斬棘的哥哥》令知名度更上一層樓。阿Lo有份成為TVB同湖南衛視合作嘅《聲生不息》演唱歌手之一，本來令唔少人大跌眼鏡，但第一集唱張學友嘅《寂寞的男人》令內地觀眾改觀，甚至形容佢係「寶藏歌手」。
有傳《聲生不息》會有其他歌手中途加入，唔知阿Lo會唔會被「聲音休息」呢？
原文刊登於 Yahoo 娛樂圈，am730獲授權轉載
amJetso 送BIODERMA救星小紅瓶🩷護膚恩物 立即按此參加👇
