早前傳出婚變的艾威，接受苑瓊丹(苑仔)邀請，亮相香港開電視《開工大吉77》，艾威指苑仔是其「債主」，隨傳隨到做訪問。節目中他自爆真名叫「徐威信」，因為星途向師傅關海山(蝦叔)請教而改名，行內有三位前輩令他特別佩服，將角色活現鏡頭前：「蝦叔、鵬哥(盧海鵬)、羅嘉良佢哋三個唔會唸口簧，係用個心去記台詞，我發現死背對白係唔會演好場戲。」
艾威坦言視演員為終身職業，但發展到某階段，開始發主角夢：「人可能係貪心，會覺得主角嘅戲先有血有肉，綠葉當然重要，不過都想參與大劇、大電影……有製作人同我講，曾經向高層推薦我去一定位置，不過俾高層否決。」
艾威被舊同學王維基邀請加盟，離開服務33年的舊公司：「有次校友會聚會，佢話會開電視台，問我過唔過去幫手，我都未傾錢即刻話過！以前唔走係因為冇第二個台，有咁梗係走啦！人地以為我演出經驗豐富，其實就唔係嘅，因為咁多年都係『下把位』！」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
