何廣沛稱自己也不時被認錯為陳家樂或黃嘉樂。
昨日何廣沛、劉佩玥(Moon)、張曦雯等藝人齊集油塘宣傳TVB新劇《跳躍生命線》，一眾演員穿上救護制服，示範急救程序，不過就搞笑居多。提到上月阿Moon、周志文和其他藝人遊船河時，在直播片段中拍下二人在浮床上激咀，Moon就否認此事，並指是角度問題。
上月劉佩玥和周志文遊船河，二人坐在同一浮床上。
阿Moon說︰「浮床上面係得我同志文，但係我又唔係咁蠢，知道好多人會開Live，又點會喺眾目睽睽下做呢啲事，所以我一直都係低調處理，覺得唔需要去回應。」問到她低調處理是否指二人的戀情，她說︰「我只可以話我哋關係好友好，真係好friend，佢唔係兵，係一個好好嘅朋友。女仔同男仔做朋友都唔奇怪。如果拍拖嘅話，會等到感情基礎穩定就會同大家公布。」
提到阿Moon在網上發表的「小人論」，矛頭直指陳庭欣暗示她與周志文拍拖，她說︰「大家誤會，只係身邊成日出現啲人鍾意道聽塗說，咁我不平就要去講。我同佢都係好好朋友，唔係針對佢去講」。
入App免費拎荷花BB展入場券
