(左起)劉展翹、林作、周國賢及陳欣妍。
UA一眾管理層到場觀看廣告首播。
周國賢(Endy)、林作、YouTuber劉展翹(Jackie)及郊遊KOL陳欣妍(Shirley)等，昨日於銅鑼灣鬧市拳館，出席UA亞洲聯合財務的廣告活動，4人穿上廣告中的拳擊造型，又拿起日本經典怪獸玩具，大談拍攝趣事。
正籌備新專輯的Endy表示，今次拍攝非常有演出英雄片的感覺：「今次拍攝各種瞓身危險動作都冇用替身，自己親身上陣。」談到Endy很久沒有開騷，「我好耐冇開個人音樂會，相當期待同緊張明年UA為我舉辦嘅音樂會。」Endy指，音樂會的風格和選歌上，想試不同的東西，「會滲入多啲爵士樂、電子音樂風格，未必會請嘉賓，貪心想玩多啲自己嘅歌，同埋自己唔識講嘢，想觀眾focus係自己度。」
陳欣妍化身SHERO幫人紓困
女友裕美陪伴在側的林作，指今次獲UA賞識，酬勞豐厚，首次演出廣告的他大開玩笑說：「之前拳賽紅隧廣告，為咗睇自己要不斷俾$20隧道費，今次UA新廣告佔據三條隧道，所以要瘋狂來回！」陳欣妍提到化身「SHERO」的感受：「自己使命感爆發，要幫大家鬆一口氣。」劉展翹則指：「自己經常為朋友伸出援手，同UA一樣，隨時願意為大家解決煩惱。」
周國賢指，拍廣告打怪獸時冇用替身，而且被怪獸尾巴掃中時，很痛兼留有疤痕。
UA行政總裁長原彰弘稱，這次廣告宣傳是有史以來最大投資。
與林作 劉展翹合作新廣告 周國賢獲UA財務籌辦音樂會
