張家朗在較早前的賽事以一分之微失去晉升資格，一度跪地痛哭。
張家朗日前在國際劍擊聯會花劍世界盃香港站跟世界排名第83的意大利劍手比賽，爭奪打入男子花劍16強席位，可惜張家朗最後以一分之微落敗，他更一度跪地痛哭，隔住mon都感受到他的無奈。有網民竟然認為張家朗出局，全因為拍廣告太多，而網民的留言就令ERROR的何啟華(Dee)看不過眼，在社交平台截圖回應。
Dee︰咁都要鞭？
Dee留言說︰「人哋之前奧運金牌都拎埋，香港嘅驕傲，輸贏乃兵家常事，更何況運動員壽命短暫，咁都要鞭？究竟係乜嘢心態？仲要有人like我覺得佢慘，係咪我有問題？定係留言嗰個？真係知道佢冇專心練劍？」
他的留言獲不少網民支持，MIRROR的呂爵安(Edan)留言說︰「唔好嬲，我識佢，佢就係張家朗把劍，體諒下。」游學修亦留言安慰︰「華，唔好咁上心。」李綺雯說︰「唔知以為佢出糧」；體育主持張存華則謂︰「家朗性格沉實，廣告唔算多。香港運動員值得更多人關注。小小一個地方，未必很多人關注本地體育，大家應該要學習欣賞，而不是永遠的批評。」
何啟華不忿網民批評張家朗。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
