花姐解釋「燒雞論」非揶揄Frankie女友Christy。
MIRROR成員「皮皮」陳瑞輝(Frankie)的現任女友Christy，昔日大膽言論引來不少討論，對於經理人「花姐」黃慧君近日在IG限時動態分享燒雞照片，並在照片上寫「好食，但難handle，我嘅性格會選擇唔食。」令不少人聯想到花姐借圖表達自己對Frankie今次事件的看法。
「花姐」近日在IG限時動態分享燒雞照片。
今日，花姐陪同姜濤現身「麥當勞兒童愛心馬拉松」，她有就燒雞相解畫，花姐表示當日有MIRROR成員到新蒲崗綵排，而燒雞為該區名物，在成員極力推薦下，花姐說：「咁我手有濕疹，又冇膠手套，要赤條條咁用手，於是我就同隊員講『好食，但我處理唔到，我咬兩啖算』個story大家可能都唔會信我，但的確係我當時所講。所以當大家有反應，個隊員都同我話『花姐你瀨嘢啦』，姜濤一落機都有send 訊息俾我『花姐，你個story點呀』，我覺得大家唔好諗咁多，Frankie都咁大個人，畀空間佢處理，我希望姜濤早啲拍拖啦。」花姐表示亦有慰問Frankie，之後花姐又問姜濤有沒有心儀對象？姜濤即答：「你咪係囉！」
