Kelly巡演期間接受芷珊貼身追訪。
由黎芷珊主持的《澳娛綜合呈獻：芷珊約您》，第六集的嘉賓是陳慧琳(Kelly)，芷珊特別北上廣州直擊Kelly的巡迴演唱會演出，還與她進行深度專訪。Kelly全程真性情表露無遺，而且貴為一代天后絕無半點架子，相信這是她成功的其中重要關鍵。
Kelly由去年9月起舉行世界巡迴演唱會，今年2月則到廣州巡唱，她今次巡唱要挑戰多首快歌，自認從小不擅於記舞步的她，笑言經常在家對著雪櫃練舞。又指連換表演服裝都需要練近百次，可見她對每一個細節都一絲不苟。對自我要求極高的Kelly，每逢開騷前必定閉關不出門，兩日前更封嘴養聲，務求以百分百最佳狀況演出：「我咁辛苦，就係想喺台度俾好嘅大家，要100%做到投入先得，爭8%都唔得！」
Kelly透露開騷前都會閉關，專注練習。
時間流走入「五」感迷茫
Kelly原定計劃於2018年舉行巡唱，可惜遇上數年疫情，巡唱一度擱置，但作為天后的她未有荒廢日子，反而學唱歌增值自己。可是，疫情數年間卻是Kelly最不快樂的日子，自爆肥足近20磅不敢見人，頻頻工作邀請，加上時間流逝令她感到迷茫：「我係咪就咁玩完？全世界係咪就咁玩完？一年一年咁過去，(年齡)由四字頭變五字頭，我老喇！」直到2022年《香港電影金像獎頒獎禮》「復出」幕前，她坦言目前人生階段感到很快樂：「依家做到我想做嘅野，好自然、好舒服繼續行我嘅人生。」到底Kelly所講何事？記得留意節目。
Kelly於2001年起連續六年奪得「亞太區最受歡迎香港女歌星獎」，天后地位毋庸置疑。她直言當年樂壇爭獎氣氛激烈，並大爆有一年曾洩漏風聲指Kelly會奪獎，但最後獲獎卻是另一位女歌手：「記得有一次唔知邊個台，同唱片公司高層講係Kelly㗎喇，跟住後尾冇咗，咁梗係有人……唔知做乜啦，總之冇咗，我仲要安慰番唱片公司嘅人。」不過她認為作品在歌迷心中的反應，比獎項更重要：「最緊要每一年你有幾多隻好歌，歌迷係鍾意，你hit到幾多隻歌出來，嗰個成績反而緊要過畀個獎你。」
芷珊直擊Kelly香港排舞情況。
Kelly於2008年紅館演唱會尾場宣布婚訊，其後淡出樂壇專心相夫教子，曾憂慮結婚生子後事業大不如前：「諗住結完婚生完仔，應該冇啦，喊晒咁走㗎嘛！生完一個再一個，啲人都仲OK喎，原來觀眾接受能力咁高。」Kelly感恩歌迷多年仍不離不棄，直言歌迷開心就是動力，令她繼續唱下去。
巡迴演唱會圓滿結束後，芷珊與Kelly貼地食大排檔，罕有談及與15歲大仔「蝦餃仔」劉昇和12歲細仔「小籠包」劉琛，在家裡的母子互動；出生富裕家庭的她，公開金錢價值觀的看法。節目還有更多Kelly鮮為人知的小秘密，密切留意《芷珊約您》。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
