苑瓊丹近年把將事業重心北移，自新年北上發展之後，一直未有回港。日前她有份投資的超級市場開幕，苑瓊丹只能透過視像形式參與活動，隔空與其他股東切燒豬。提到在逆市搞生意，她指疫情期間超市生意很好，就算現時疫情緩和，仍見到市場有需求，認為有「錢途」，所以決定投資。她又稱開拓自動販賣機市場，希望都有作為。
苑瓊丹隔空切燒豬。
與老公各自為「政」
自從新年後北上發展，與老公數月未有見面，苑仔就話唔會叫對方幫手管理生意，笑指二人財政獨立「各有各搵」：「有人問我係咪夫妻分隔兩地，老公見唔到我太閒，所以開檔嘢比佢忙吓！傻嘅，我理得佢忙定得閒啊，依家我都忙到踢晒腳，仲搞啲咁嘅嘢？佢真係悶到發癲又掛住我嘅，咪嚟陪吓我囉，佢肯為我隔離，呢個就係愛嘅表現啦！」
🎁 amJetso請你睇《焚城》，快Ｄ開APP玩👇 👇
