七師傅同隻馬仔傾偈，即時爆冷，她表示自小就會跟動物溝通。(吳康琦攝)
今日沙田馬場舉行「莎莎婦女銀袋日」，由蔡卓妍(阿Sa)擔任大使，同場還有不少政商界及演藝界人士出席，場面墟冚。玄學家七仙羽(七師傅)盛裝打席，她接受訪問時表示自己懂得如何跟動物溝通，並稱所有動物、昆蟲都不會放過，只要有機會便會跟牠們傾偈。她表示過去曾跟落場的馬匹溝通，內容都是跟給牠信心，並稱馬匹聽完也會給她反應。
七師傅開心見到朋友贏馬。(吳康琦攝)
七師傅加持下爆冷
問到她有沒有下注，她表示沒有，因為自己要追住隻馬，搞到身水身汗，但開心見到最後馬匹勝出。她透露該馬從未勝出，經她加持之下爆冷勝出。翻看今日賽果，楊明綸今日策騎「竣誠駒」，此駒過往在港上陣未嘗上名，就連旁述亦形容這隻馬的戰績差到不得了，但今日就取得首場勝利，難怪七師傅會這麼開心，更落場拉頭馬。
一定無結果
問到七師傅最近有沒有跟ERROR的吳保錡傾偈，她表示沒有，稱保錡不是動物。對於保錡跟菊梓喬的戀情有何睇法，七師傅表示「一定無結果」，她說︰「我覺得唔係真，因為保錡事業心咁重，唔會無啦啦搵個女人嚟搞，佢依家事業係黃金期，邊得閒同啲女人搞啲咁嘅嘢，所以肯定係無結果。」
🎁 amJetso請你睇《焚城》，快Ｄ開APP玩👇 👇
