萬綺雯晒美腿宣布殺入小紅書 一日吸逾2萬fans超厲害
以42吋美腿演出亞視劇《我和殭屍有個約會》嘅萬綺雯，近年依然保持狀態，完全唔似54歲！萬綺雯淡出香港幕前多年，近年與老公陳十三移居內地生活，除咗出席商演活動及加入直播帶貨行列之外，佢仲同朋友喺浙江經營民宿，一嚐做老闆滋味。
喺得內地發展，當然要開發新平台，尋日萬綺雯就宣布喺小紅書開設帳戶。新開張梗要派福利，蚊蚊上載嘅第一條片，唔夠30秒就有5個造型，當中不乏短裙短褲，將最煞食嘅美腿當見面禮，識玩！難怪萬綺雯個account開通一日就有2萬幾人追蹤，唔少人仲盛讚蚊蚊，認為「活得瀟灑漂亮」、「姐姐，這裡有鬼，麻煩來我家抓一下」，原來馬小玲一角喺內地幾深入民心！
原文刊登於 Yahoo 娛樂圈
限時早鳥優惠 火速訂位 | am730母親節溫馨晚宴 $5000福袋等你拎!
