葉德嫻今日為舞台劇《親親麗南》宣傳，提到最近的警民衝突，她表示一直都關注︰「我希望大家明白到點解會出現暴力，唔好忘記點解出現呢件事先！喺呢度我更加要多謝年輕人，612如果唔係佢哋，呢個惡法已經通過咗，我點都好，直至今日呢一個時刻都係，好多謝佢哋！」
她續說︰「相信唔痛心嘅係冷血，不過都有咁冷血嘅人存在，都好多，痛唔痛心係睇人啦。」提到會否繼續支持學生，她呼籲學生繼續堅持︰「你哋做得好啱，你哋冇做錯！」她又謂自己沒權平息社會紛爭︰「個權喺邊個手？個權喺邊個手咪可以解決囉。」
入App免費換走健康產品
