葉童
61歲嘅葉童，近年以灰白短髮示人，加上簡約幹練嘅衣著，成為唔少人口中「優雅地老去」嘅示範。早前葉童接受鳳凰衛視訪問，主持人提起「老去」呢個題目，認為葉童好好咁詮釋咗如何「優雅地老去」，同時主持人艾楚怡講起之前葉童喺《我愛你！》電影中演失智老人，認為「老去」係殘酷嘅，於是想知葉童點睇。
葉童聽罷問題之後皺晒眉頭回應「我覺得小艾（主持人）你的心態有問題」，隨後哈哈大笑，再向主持補充：「你還那麼年輕貌美，就在說『衰老了』。」艾楚怡立即補鑊：「我得向你取取經」。
追求心境平衡平和
葉童認為艾「把衰老看得很恐怖」，但其實同時有好多好美麗嘅例子，唔少人幾代同堂含飴弄孫，好多大爺大媽去上興趣班活得開心，但我地都睇唔見。
艾楚怡認為年紀大社交圈子會越來越細，葉童並不同意，因為而家好多年青人都係喺屋企打手機，並指一指自己個頭﹐認為全在於頭腦想法。而家嘅葉童自言追求心境平衡平和，令自己更加舒服。
原文刊登於 Yahoo 娛樂圈
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
