劉倩婷接受《東張西望》電話訪問。
名媛蔡天鳳(Abby)慘遭肢解，家人今日在大圍寶福紀念館為她設靈，大批親友到場致祭，亦有不少人送上花圈悼念。《東張西望》播出觀眾提供的靈堂內照片，並播出蔡天鳳好友劉倩婷的電話訪問。同時，節目亦請來相關人士講解3D遺體修服技術，單是畫出頭部的3D圖需要花近2星期。
劉倩婷︰小朋友好生性
劉倩婷受訪時稱今次事件較特別，所以心情仍然難過，並為她做了一個牌及誦經。她稱一直有跟譚家見面，「我哋都好關心佢屋企嘅狀況，或者佢小朋友點。唔會係短時間可以平復到嘅事，但我已覺得佢好努力。前兩日見到Chris（蔡天鳳丈夫）佢話社工上咗屋企，陪佢一齊同啲小朋友講，星期日就要送走媽咪，跟住社工問啲小朋友有冇啲咩想問，跟住小朋友話，冇喇！我唔想再講，因為我唔想爹哋再喊，所以我想同Abby講，佢可以安心，因為啲小朋友真係好生性，好孝順，佢真係教啲小朋友教得好好。」
對於蔡天鳳母親五姐申請做遺產管理人，並希望可以取得孫兒撫養權，劉倩婷說︰「聽Chris講，佢（五姐）都好努力照顧啲小朋友，其中有四個小朋友要照顧，都唔係簡單，佢哋都好叻。」
劉倩婷透露小朋友不想父親傷心。
郭富城、方媛送的花圈上寫有「早登極樂」。
