蔡思貝跟父母食生日飯的照片。
蔡思貝昨日（6日）迎來34歲生日，她在社交網貼出跟父母食生日飯的照片，更反過來送禮物給父母，她笑謂：「話說我新年買咗四棵盆栽，唔小心整理完之後抌咗把廚房鉸剪，我媽咪話佢有，唔使買把新，點知佢收我二十蚊；咁啱又有朋友送咗香水畀我做生日禮物，但其實我從來都唔噴香水，而我媽咪上個禮拜先問我有冇香水因為佢用晒，所以我就反過來送禮物畀佢。」
蔡思貝生日反送香水給母親，但父親就得到不同的待遇，她表示：「而我爹哋收嘅係 管理費單、電費單、水費單…佢完美表達咗無奈而有禮貌嘅微笑，Yay ！一家都開心！」認真「孝順」。最後，蔡思貝就自爆生日遇上血光之災，她貼出弄傷手指流血的照片，其中一張更見她搭港鐵時貼上膠布仍然滲血的情況，但就未有透露弄傷原因，並打趣表示：「生日血光光，我覺得我今年會好好運，多謝。」網民都紛紛留言指她貼地搭港鐵，亦有不少人大讚蔡爸媽非常後生。
入App免費拎荷花BB展入場券
