蔡淇俊
前TVB小生蔡淇俊喺2014年選擇離巢，北上發展其飲食業王國。早前佢喺社交網站自爆已經結婚，不過就未有公開老婆嘅外貌，直至最近有網民成功將佢老婆起底。
自從自爆已婚後，蔡淇俊曾喺抖音上載一條幫老婆洗腳既影片，不過當時老婆身份依然神秘。有網民就猜測係同佢一齊開米線店嘅「龍姑娘」，而當時佢就以一朵玫瑰花疑似默認兼讚好「龍姑娘」嘅抖音帳戶。
「都是大美人呀」
另外，「龍姑娘」手上所戴嘅手鏈係同蔡淇俊上載之前以老婆為主題嘅影片同款。加上種種線索後得以確認其身份。
而呢位「龍姑娘」嘅真名係「龍玉婷」，係一名外省人，佢唔單止樣貌標青，身材亦保養得非常好，難怪唔少網民都大讚佢靚女，例如「陳自瑤2.0」、「小仙女」及「都是大美人呀」等等。
原文刊登於 Yahoo 娛樂圈
