薛家燕出席保健產品活動，跟老友記分享養生之道。
薛家燕今日(30日)於馬鞍山出席依飛「腦有所依」保健產品活動，跟老友記分享保健心得，她指香港人口老化，長者活得健康可減少家人擔心，她認為睡眠質素最重要，能夠容光煥發應付每天生活。她自爆曾叫錯3個仔女的名字，孫仔有樣學樣，甚有演藝天份，於是她打算安排孫仔到旗下中心上堂，參與表演。她又大爆孫仔試過在新加坡上台表演後，不時追問幾時可再登台。談起孫仔，家燕姐興奮透露乖孫3歲生日，與母親合力製作蛋糕，非常精叻。
自言形象健康：亂嚟嘅嘢我唔做
現年74歲的家燕姐，自爆稍後將往馬來西亞拍電影，飾演女特務並應付動作戲，她笑言要找「王九」伍允龍擔任武術指導，「他自小是練武，最近《九龍城寨之圍城》咁勁，搵佢來為我度幾招，到時替身做！」她自言日後收到劇本，要向伍允龍指教武功。她又透露將與當地的「小鮮肉」演對手戲，問到可會拍談情親熱戲，她耍手擰頭，「好似何伯何太咁濕吻？唔會！(有追看新聞？)越嚟越三級喎！唔係咁好啦！太放開喇！收歛啲啦！」她直言是正能量代表，形象健康，「亂嚟嘅嘢我唔做！錫吓也可，正常人，唔好諗歪念，亦唔好講有幾多次！」
🎁 amJetso請你睇《焚城》，快Ｄ開APP玩👇 👇
