朱柏康昨日到商台接受節目訪問，提到在ViuTV劇集《打天下》中飾演反派，被網民稱奸到出汁，對於演出備受關注，朱柏康說：「以前好少演壞人，做舞台劇主要演較多社會議題嘅戲，自己接戲唔會設框架，無論舞台劇、影視演出都鍾意。」朱柏康憑電影《金都》角逐今屆《金像獎》最佳男主角，他直言沒太大信心，認為其他對手各有各好，而且藝術好難作比較。他說：「隨緣啦！成日都講今次唔得有下次嘛！下次唔得咪再下次，一直抱住呢個心態。」
今年《金像獎》取消實體頒獎禮，對於未能行紅地氈，朱柏康覺得可惜，但沒有不開心，並說：「希望同戲拍檔鄧麗欣可以贏最佳女主角，我因為佢先行呢一步，自己唔會要求演呢種角色，仲有想製作團隊嘅好兄弟劉俊謙攞獎。」
入App免費換走健康產品
