家燕姐狂問阿麟同阿叻反面傳聞。
譚詠麟(阿麟)昨日率領「老六兄弟」明星足球隊，計有成員衛志豪、莫家淦、張智軒、潘梓鋒、羅鈞滿和伍偉樂，突襲由薛家燕、范振鋒、思敏主持的新城節目《開心大派對》。阿麟突然出現，令直播室的工作人員驚喜大叫。
問到何以有「老六」成員出現，阿麟說：「呢個圈都係咁，成班人食飯，要有人唱歌搞吓氣氛，佢哋一個個行出嚟，又唱得唔錯，所以唔怕蝕底就有着數。」
阿麟地位高，眾人也先讓坐。
阿麟承認明星足球隊「分家」。
阿叻反面 心離一離
早前傳出阿倫和老友陳百祥(阿叻)因明星足球隊「分家」問題鬧不和，兩人未就事件回應。家燕姐問：「明星足球隊分咗兩隊？」阿倫直認：「真係有呢件事。」是否兩隊作風不同？阿倫直言：「出面啲人成日都問我係咪同阿叻唔啱？點會唔啱呀？幾十年朋友，唔會為咗呢啲嘢；不過嗰日睇到新聞條片個心都離一離，驚唔知點答傳媒朋友，返到屋企發咗幾晚噩夢，仲紮醒。」
阿麟續說：「佢(阿叻)想點踢同點睇都得，相信有一日，佢迷途會返嚟，不過佢未必迷途，可能方向啱都未定。」
立即更新/下載AM730手機APP 體驗升級功能
