毛舜筠孖Edan下廚宴客，但Edan表現得有點雞手鴨腳。
由新晉導演曾慶宏執導，毛舜筠、謝君豪、呂爵安(Edan)、談善言、袁澧林(Angela)、盧瀚霆(Anson Lo)及梁祖堯等主演的家庭倫理題材新片《過時．過節》，將於11月24日上映。
毛姐在個人YouTube頻道上載了「毛姐飯堂之《過時．過節》生日飯聚」新片，毛姐與兩位助手Edan和祖堯一起備料和下廚，宴請《過》片導演曾慶宏、「表姐」Angela、藝術總監文念中，毛姐和Edan更邀得共同好友古天樂任神秘嘉賓作客。Edan同場為一眾10月及11月生日的壽星古天樂、Angela、祖堯及昨日（5日）生日的阿媽毛姐送上蛋糕慶祝。
毛姐炮製不同菜式宴客，大家吃得非常開心。
Edan愈幫愈忙
Edan自告奮勇出任廚房助手，卻表現得有點雞手鴨腳。一向充滿好奇心的Edan，在下廚過程中問了不少令人意想不到的問題，如毛姐介紹以泰安雞用作手撕雞的食材，Edan卻問：「咁有冇爵安雞？」令毛姐哭笑不得地問：「你想做雞？」而當毛姐提醒Edan戴手套，準備處理「雞絲粉皮」時，Edan真心問毛姐：「兩隻手都要戴？」毛姐也沒好氣地回應：「你用兩隻手撕喎！」有份幫手的祖堯形容Edan的廚藝是「災難級別」。
梁祖堯著Edan承認整錯步驟。
Edan獲毛姐私下教路
下廚期間，眾人大談拍攝《過》片的心路歷程，Edan坦言《過時．過節》是他入行以來最緊張的一部電影，「冇安全感，因為唔係自己一貫做開嘅類型，擔心自己一個人會破壞整部電影。真係好lost，初時自己只係識好細聲講嘢，但毛姐提我講大聲啲同清楚啲，之後佢同我惡補每一句，然後再約埋去導演度，逐句逐句去研究，應該點樣講。」
毛姐則搞笑追問Edan，「你平時係咪講開英文？」Edan卻幽默回應：「我平時唔講嘢！」而Edan表示拍了《過》片後，對屋企的價值觀有所反思，他指：「你一出世，嗰啲就係你嘅家人，呢個連結就係一世。通常對屋企人永遠都係最差嘅一面。」毛姐也大表認同：「對屋企人係最真實嘅一面，唔使保留。」
Edan很開心獲毛姐指點。
古天樂敬佩毛姐願與新人合作
毛姐一手一腳炮製的「毛姐飯堂之《過時．過節》生日飯聚」，親自出馬撰寫菜單、準備食材及下廚。嘉賓古天樂、導演曾慶宏、Angela及文念中亦吃得津津有味，古天樂除了大讚毛姐對廚藝的追求，更大讚毛姐對香港電影的熱情，他表示：「唔係呢餐飯咁簡單，係佢對香港電影業嘅熱愛，我哋香港嘅電影業做得好辛苦，但佢仲有心咁去整一餐飯，鋪排咁多嘢，佢唔係淨係呢部戲喎，所有佢主演嘅戲都係咁做。我最敬佩佢係願意同新人合作，帶動啲新人，所以佢同我講起呢部戲，我話(支持)絕對冇問題，同埋你問我， 我哋都想香港電影業好，所以我哋必須攜手努力做好佢。」最後他發起大家向毛姐敬酒，多謝她的付出和努力。
Edan捧出蛋糕賀10月、11月的壽星。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
