遭何浩文寸講嘢一嚿嚿 湯洛雯︰多謝佢咁撐港姐

湯洛雯昨日在港姐決賽上一個「快問快答」環節上，向姚懿芠提問，由於姚懿芠多次聽不清楚問題，而被靚湯笑她「呃飯食」。其後何浩文(Dominic)在社交媒體批評她說話一嚿嚿。

今日靚湯出席《跨跨跨世代》宣傳時，被問到遭Dominic留言寸她一事，她說︰「自己有時說講嘢口沒遮攔，冇經大腦，純粹係為節目效果，如果令到佳麗感難受，我講聲唔好意思。」問到有沒有因此嬲Dominic ，她說︰「唔會，多謝佢撐港姐騷，佢睇得投入至有呢啲反應，我為節目效果講完就算，而且做藝人講嘅嘢當然有人鍾意、有人唔鍾意，入行第一日已接受，唔會因一、兩句說話就覺得尷尬。」