鄧兆尊在網上節目《田豪祖三寶》爆大鑊。
新一輪防疫措施今日生效，禁止兩個以上的住戶聚會，不少網民關心鄧兆尊的情況，就連昔日拍擋趙學而亦在網上向他請教。日前鄧兆尊接受貴花田、曾志豪及王耀祖的網上節目《田豪祖三寶》訪問，大談新措施對他有何影響，他搞笑說︰「個人(限聚)就對我有幫助，兩人對我冇影響！邊個話我一拖三行街唔得？咁搭巴士、地鐵點算？請多兩個姐姐都犯法，佢哋都係唔同家庭」並謂︰「你哋幫我召喚返佢上嚟節目，問佢做乜搞啲麻煩俾我。」
鄧兆尊引述幕後工作人員消息，指祖藍不滿C君。
王祖藍不滿C君表現
鄧兆尊在節目中提到王祖藍與無綫高層曾勵珍、樂易玲鬧不和，他說︰「珍姐曾勵珍係一個好好嘅人，佢係惡啫。佢會顧及好多演員，如果啲人要養家，就捉晒佢哋入《愛．回家》，因為《愛．回家》係個長期出糧嘅地方，同普通演員係差三倍價錢。」
鄧兆尊認為他們都是為公司著想，「大家管嘅嘢都唔同，珍姐管演員、樂小要管人力資源，買部電腦都關佢事，祖藍就係創意官，創意北上搵錢，佢離開咪交由佢哋自己搞，所以多咗個肥仔，即係C君嚟幫手，因為做啲嘢唔得，咁祖藍好似有不滿囉，呢個係幕後啲人同我講。」王祖藍是首席創意官，負責翡翠台節目，而C君則屬J2台節目創意總監，理應各有各不同範疇，未知當中是否出現了甚麼衝突。
鄧兆尊供橋予開電視。
為開電視任軍師
鄧兆尊又爆料指開電視將會成無綫另一勁敵，因為開電視將會推出一個大型派錢節目，並指節目內容是由他構思︰「呢條橋我提議畀佢哋做，原本係sell俾TVB，叫佢哋一星期做三集，每集派50萬，收視率一定好勁！我話我出一成，TVB出九成，為香港市民謀福利，又可以救個台，唯一方法係與民同樂，我唔收人工無所謂，我唔係好多錢，但都捨得攞出嚟。依家香港人好慘，我唔想香港人繼續愁眉苦面。」
amJetso 送BIODERMA救星小紅瓶🩷護膚恩物 立即按此參加👇
