衛詩(Jill)日前亮相奇妙電視節目《同Sing同戲》，接受訪問時，表示自己已經有9年無出唱片，並計劃年尾推出EP。雖然緊張，但她覺得很開心，可以重新回復音樂旅程，又可以繼續做音樂。
對於部分人不喜歡自己的音樂，Jill表現豁達：「無得唔開心，因為滿足唔到所有人，所以就做好自己，有一班人鍾意你嘅音樂已經好滿足。」提到新歌MV是希望鼓勵大家想做就做，不要為人生帶來後悔，Jill回憶自己的過去，「慶幸無做過令自己好後悔嘅事，只係有時想做嘅音樂，未必得到大家嘅認同。」令她有點氣餒。
每段感情都無悔
在愛情路上，Jill稱從未留有遺憾，「每一段關係都學到啲嘢，喺佢哋(男朋友)身上學到嘢，無後悔過。」重新回到樂壇的Jill，坦言渴望舉行演唱會與歌迷見面，更表示若果成事會邀請家姐衛蘭(Janice)同台演出，「亦都希望可以邀請到偶像鄭秀文一齊合作。」
新歌MV演技被網民拿來與家姐Janice比較，Jill大方表示不介意。
入App免費換走健康產品
