馮德倫與曾國祥在台上有意無意嘲TVB乜都唔講得。
《第40屆香港電影金像獎》今年由ViuTV獨家直播，盛會亦星光熠熠，上屆憑《少年的你》獲最佳導演的曾國祥，應大會安排再次站台，與馮德倫一同擔任頒獎嘉賓。
兩人除了都娶了靚老婆外，更同樣由演員轉型成導演均取得極佳成績，曾國祥自言婚後脹了兩個碼，馮德倫問是否因為其父曾志偉的基因太強，曾國祥一臉認真說：「我諗係，我其實扯得高已經好托賴。」馮德倫接住話今晚不應該提起曾父，並說：「今晚係ViuTV轉播，係咪唔應該講你阿爸？」曾國祥就答：「唔緊要，ViuTV係咩都講得㗎！」擺明嘲諷TVB只得一種聲音，結果贏得全場熱烈掌聲。
馮德倫笑言今晚盛會在Viu轉播，不應該提起曾志偉。
amJetso 送BIODERMA救星小紅瓶🩷護膚恩物 立即按此參加👇
