衛詩雅憑《破‧地獄》奪影后。(吳康琦攝)
「第43屆香港電影金像獎」頒獎典禮今日在文化中心舉行，「最佳女主角」由吳彥祖及曾國祥負責頒獎， 並由衛詩雅憑《破‧地獄》奪影后，她聽到大會宣布的名字是頓哭成淚人，在旁的老公表現興奮，她逐一向眾人擁抱，「哥哥」朱栢康難掩激動情緒，周家怡亦都眼濕濕。當她踏上舞台時，全場歡呼。
朱栢康哭成淚人。
衛詩雅上台先深呼吸一口氣並說到︰「阿哥，我哋得咗啦！」朱栢康在台下哭成淚人。她說︰「多謝金像獎咁多位評委，多謝英皇娛樂，多謝楊博士拍呢一部咁感人電影……多謝我屋企人，多謝我老公！多謝你哋俾咁個安全堡壘，令我去追夢，多謝大家俾機會。多謝陳茂賢，喺我自己要放棄嘅時候，你冇放棄我。多謝台前幕後同埋手足們。」此時衛詩雅老公、老闆楊受成、韋羅莎都眼濕濕。
她續說︰「多謝喜歡《破·地獄》呢套電影嘅觀眾，我想借電影裏面嘅一句對白俾大家，難得上咗呢程車就唔好擔心自己幾時落車，好好珍惜呢一程車嘅每一個畫面，同身邊嘅人傾吓偈，我好想慶幸可以喺呢程車遇見每一位，同埋你哋願意容納我成為呢程車其中一個風景，我覺得能夠做演員，呢程車搭得好值得，呢一個鼓勵係會令我繼續努力鞭策自己，我會繼續努力，唔會辜負我呢個運氣，多謝大家！我係演員衞詩雅。」
限時早鳥優惠 火速訂位 | am730母親節溫馨晚宴 $5000福袋等你拎!
