趙頌茹在劇中被多隻手拉扯，嚇親不少網民。
由陳山聰、李施嬅主演的《金宵大廈2》昨晚播出單元六《仿客》的下半集，劇中提到Mimi每當在趙頌茹受到傷害時，便會解決有關人士，及後趙頌茹意識到Mimi可能與自己內心怨念有關，最後選擇跳樓結束自己的生命，希望劇中的兒子的價值觀不要被扭曲。
畫面太暗看不到趙頌茹
不過，網民睇到一頭煙，完全不知道Mimi是趙頌茹的化身，加上畫面太暗的關係，也察覺不到Mimi是由趙頌茹親身扮演。由於化妝技巧太厲害，不細看及向監製葉鎮輝求證，也不能肯定該人就是趙頌茹。葉鎮透露該個造型上妝時間大概兩個多小時，並笑言已是較簡單的「變裝」。
Mimi點解出現？
對於網民不明白Mimi的出現，對此監製葉鎮輝回應：「其實海報畀咗貼士、媽媽就係Mimi。有人話怨念愈深，就會孕育出負面情緒嘅怨魂、呢個怨魂會做出你平時唔會做嘅嘢，科學解釋可能就係人格分裂，但因為《金宵》係奇幻嘅、所以將Mimi實體化咗、咁樣亦係希望觀眾視覺上會更易投入。」他續指伊麗(趙頌茹飾)最終的錯誤決定，全因想保護兒子免受怨念影響、延續悲劇；而故事結局孤兒院地上的畫，說明了梓朗最終還是明白了媽媽伊麗的苦心，算是「苦中一點甜」。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
