鍾培生與Toyz大戰4個回合。
鍾培生與Toyz的生死拳賽《The Cage 拳上2023終於之戰》昨晚(5日)圓滿結束，鍾培生以TKO技術擊倒（Technical Knock Out）對方，勝出比賽。Toyz事後更鼻樑紅腫兼出血，但他捱到4個回合，連鍾培生也直認想不到。
193想收百萬上擂台
比賽結束後，ERROR的193郭嘉駿被傳媒捕獲，並以觀眾郭先生的身份分享對今次拳賽的看法。他說︰「今次嚟睇鍾培生同Toyz，好好睇！好睇過同林作，上次睇到我想走！今次值回票價。」問到他想與ERROR哪一位隊友對打，他說︰「肥仔！佢係冇體能，可能一、兩下就好快瞓著，保錡太大隻，唔夠佢打！」他表示希望可以收錢上擂台，揚言收百萬拳酬願意捱打，更不介意在擂台扮死。他說︰「我真係唔介意被人打，我好平，一百萬都得啦！幾十萬就唔得，一、兩個廣告都係呢個價！」
193表示不敢跟鍾培生對打。
驚被鍾培生打歪鼻
他直言不敢與鍾培生對打，因為見到他在台上非常認真出拳，擔心自己的鼻子被打歪，「雖然我個鼻係真，但都會被佢打歪，都係同返啲渣嘅人打，ERROR自己打返就算。」問到會否考慮跟MIRROR對打，193說︰「唔好啦！一陣『high』到佢哋少少，啲fans就……，佢哋好多fans，都係唔好提佢哋，唔係好熟，都係ERROR自己打返，ERROR冇fans，任打都得。」
193表示不敢打MIRROR。
保錡見證孫生贏比賽
至於同場的保錡未見與193同行，而保錡支持的孫生與網紅小哥哥艾理對打，二人進行3個回合比賽，最後孫生險勝。不過，這場對疊，因為二人戴上頭套上陣，換來場內噓聲不斷。孫生與小哥哥艾理自去年金鐘獎結怨，之後小哥哥艾理又因為指孫生不孝，令雙方曾隔空對疊，從而促使他們上擂台用拳頭解決「問題」。
點擊看孫生與網紅小哥哥艾理對打︰
🎁 amJetso請你睇《焚城》，快Ｄ開APP玩👇 👇
