![](https://cdn.am730.com.hk/s3fs-public/styles/article_image/public/2024-08/vvvvv_0.webp?itok=OiPhAxPv)
鍾柔美
唔少藝人都鍾意喺社交網站開PO同粉絲分享佢哋嘅生活,不過過往曾經有唔少藝人因為打錯字,而淪為笑柄,好似吳業坤(坤哥)將「吃好東西」寫成「吃好西」及連詩雅將「rest in peace」寫成「rest in piece」等等,而最新就有校內高材生鍾柔美(Yumi)。
現年17歲嘅「聲夢小花」鍾柔美係應屆DSE考生,喺校內以第一名成績優異畢業,但可惜放榜後佢表示對DSE成績不滿。
比(畀)幸運女神春(眷)顧
近日佢就同朋友前往台北旅行,仲上載放天燈祈願嘅照片和影片到社交網站與網民分享,並寫上:「I've missed Taipei already」,不過有網民見到天燈上寫上祈願字句,發現有唔少字寫唔清楚,部分疑似錯字:「每日都比(畀)幸運女神春(眷)顧,入到心義(儀)大學,演藝事業,跳唱越來越勁!步步高升(陞)。」
網民留言好心提醒及擔心影響升學,例如「心儀。希望。。。錯別字不會影響升學。」及「欣賞你的舞技但見到有幾個錯別字想善意提醒你不要介意“眷”顧,心”儀”,步步高”陞”,”越”來”越”」等等。
原文刊登於 Yahoo 娛樂圈