2018-12-27 06:00:00

閃靈「現身」香港何韻詩直播林昶佐演出

何韻詩日前在音樂會上，以直播形式安排閃靈樂團主音林昶佐(Freddy)演出。雖然直播期間，訊號一度不穩，但他們最終成功隔空合唱。阿詩謂︰「事實證明，我哋全部都有特異功能，千里傳音、隔空對話、扭轉時空乜乜乜，難唔到我哋嘅！」

閃靈樂團主音林昶佐被入境處以欠缺「特別技能」為由，拒絕向他批出工作簽證，導致閃靈樂團被迫取消演出。不過，科技能令人與人的距離拉近，何韻詩在直播之前，在台上交代了閃靈樂團被拒簽證一事，「原來我哋嘅政府係必需要呢啲申請嘅朋友，係要有奇人奇技，噴火同吞槍都唔得，因為呢啲香港有嘅，因此佢哋嚟唔到。」之後阿詩續說道︰「我後來發現呢，佢哋真係有奇人奇技嘅，因為佢哋今晚嚟咗，透過腦電波嘅發送，我哋係請到閃靈樂隊嘅Freddy先生同埋結他手小黑，嚟到呢度。香港政府，閃靈嚟咗喇。」

Freddy在直播表示︰「先跟大家說一聲抱歉，我也不是故意沒有特異功能，一直在想第一次跟何韻詩合唱這一首歌，會是在甚麼樣的情形下，萬萬想不到居然是台港網絡連線的模式，覺得有點可惜，但還是很榮幸。」最後更以廣東話說︰「我都無晒特異功能囉，仲留喺度獻世咩？」然後二人便合唱《烏牛欄大護法》，為音樂會掀起高潮。