黃翊前日於九展舉行首個音樂會，等了30年終踏上屬於自己的紅館舞台，無論台上或台下盡皆感動，黃翊更找來黃寶欣、李克勤等擔任表演嘉賓，黃寶欣即大爆黃翊太太在其開騷前昏迷一事。
黃寶欣在台上指，黃太在深切治療部昏迷了9日，幸好早幾日已醒番，令黃翊放下心頭大石。黃翊說：「太太本月初響屋企無端端昏迷，仲嘔到一床都係血，當時情況非常嚇人。經送院後，先知佢因為昏迷時抽筋，咬損咗條脷而出血。」雖然太太未能到場，但黃翊在台上有致電給太太，並叫觀眾為愛妻打氣。
希望黃翊日後有更多機會與克勤同台合作。
自嘲是內地歌手 李克勤：我交足稅
壓軸出場的李克勤，與黃翊一起合唱《大會堂演奏廳》。黃翊說︰「我哋對上一次合作，唔係好耐，1989年嘅《淘氣雙子星》。」李克勤聞言即說︰「竟然仲用『淘氣』形容我，依家應該用『長氣』嚟形容我哋。」之後李克勤續說︰「我哋曾經同一間公司，反而依家先有得係台上合作。我做咗歌手30年，雖然變咗內地歌手。」黃翊即抵死回應︰「搵人仔係好事，不過你報咗稅未呀？」克勤笑答︰「梗係有，最緊要係報稅。」
立即更新/下載AM730手機APP 體驗升級功能
