好消息！關心妍(Jade)透露已經入紙紅館，希望明年於紅館舉行第三次個唱，「對上一次紅館演唱會係十年前，下年都係我入行二十周年，所以希望今次入紙成功，可以同班樂迷見下面之餘都好有意義，我自己都好期待！」她又預告將會邀請陳澤言(CY)擔任嘉賓，原來CY跟Jade學唱歌已一段時間，他得知自己會成為嘉賓之後，即開心表示，「好呀，我正想問，請唔請我一齊唱呀。」
Jade與CY兩人繼Music panda 節目中合作之後，終於師生合唱，與Jade Featuring 新歌《腍》的Acoustic版本已於日前派台。《腍》自推出後外界反應都相當熱烈，促成今次合唱版的誕生。當CY接到這個邀請時，坦言受寵若驚，「真係無諗過會得到Jade邀請，尤其之前無試過同人合唱，覺得好神奇！但同時都有壓力，不過依然好開心好興奮！」Jade就大讚學生，更因為上次合作過之後，非常欣賞CY的唱功，一想到做合唱版，就馬上想起他，「CY真係唱家班，我呢首歌唔易唱，佢入到錄音室都要練，但係佢好快pick up 到，原來隻歌比較適合男仔唱，佢唱得好好。」
被前輩讚賞，CY開心之餘也謙虛，「唔好咁講啦，我覺得自己無Jade唱得好，我唱到好哽耳就真。不過今次真係一個好好學習機會。」未來CY正式踏入樂壇，繼續向唱歌事業發展，正緊密籌備個人第一首新歌，而派台「處男作」就給了Jade，正好為他打了下一支「強心針」打打氣。
amJetso 送BIODERMA救星小紅瓶🩷護膚恩物 立即按此參加👇
