阿儀薛影儀下年約滿前被無限期雪藏？AMM主席賴彩雲暗示仲有轉機？
39歲嘅「亞洲心動娛樂一姐」薛影儀（阿儀），前年參加《亞洲小姐競選2021》，雖然未能入圍但獲亞視高層賞識簽約成為旗下藝人。喺加入娛樂圈後，阿儀工作接踵而來，不過早前阿儀因維護好姐妹黃榕，喺IG用粗口鬧爆經理人林寶玉（Connie），公司於9月27日發聲明宣布無限期雪藏阿儀。
早前阿儀接受傳媒訪問透露如果下年完約，未知會否續約，有可能去第二間公司做主播。而其經理人林寶玉喺噚日（2日）為自家品牌「寶玉堂」舉行開幕儀式，AMM主席賴彩雲出席時，被問到阿儀疑被雪藏嘅問題時，佢就表示出聲明只係唔想阿儀越講越爽，未來就要睇阿儀的態度。原本計劃阿儀有第三首歌，係一首主題曲。另外，本來仲想拍一套關於女性為自己爭取的戲，而家要睇接下來發展。賴主席仲話公司唔係好決絕，只係一個流程，希望阿儀可以警惕一下自己。
原文刊登於 Yahoo 娛樂圈
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
