由彭秀慧執導，毛舜筠、姜濤、Jer(柳應廷)領銜主演的《阿媽有咗第二個》，昨晚(10日)於銅鑼灣時代廣場舉行首映禮暨英皇戲院時代廣場開幕典禮。電影兩位主角姜濤與Jer雖然缺席首映禮，但無阻粉絲應援的熱場，各層商場企滿粉絲。
毛姐自爆彭導一早心儀姜濤
毛姐與導演彭秀慧在台上分享拍攝點滴，毛姐爆料指彭導一早心儀姜濤，定意找他做男主角：「佢話其中一個仔要搵姜濤，當時我仲未知邊個係姜濤，你諗下係幾早之前嘅事，咁啱我做第三屆(全民造星III)評判，睇返之前兩屆，就睇到姜濤！嘩，呢個男仔非常吸引呀，真係太好，我好鍾意佢，哈哈！好鍾意，而我哋就擔心搵邊個又係大家都鍾意呢？所以同導演搵咗好耐，最終就搵到另一個阿仔，就係柳應廷嘞！」而彭導就自爆首次見毛姐已有感壓力，而且又擔心兩位新演員是否熱愛演戲，「對我嚟講要好好平衡佢哋三個，因為呢齣戲，佢哋三個關係好好嘅，如果做到呢步，就達成一大步。」
兩主角缺席 岑珈其：佢哋嘅力量仍喺度
對於兩位主角未有現身首映活動，在戲中演姜濤老友的岑珈其就表示，「我相信大家都明白，你見好多粉絲都支持，就知佢哋嘅力量仍喺度。而且呢部電影自己有份參與，彭秀慧導演又是自己好尊敬的導演，所以點都要撐場。」至於被網民批評樣衰卻能做《緣路山旮旯》男主角，珈其回應說，「每個批評都是令你再做好一點，我會接受任何聲音和意見。」獲老友游學修力撐是實力派，但又指醜樣難有進步，珈其隔空還擊︰「佢同我一樣，所以大家都是互相學習。」
立即更新/下載AM730手機APP 體驗升級功能
