Jay Fung和陳健安在海傍開騷，請來Me&的黃淑蔓和連家穎擔任嘉賓。
馮允謙（Jay Fung)和陳健安（安仔）於本月12日齊齊推出個人專輯，早前一同在尖沙咀星光大道梳士巴利花園活動平台舉行「Jay Fung x On Chan MUSIC NIGHT AT THE HARBOUR」音樂會，並請來同門師妹女團Me& 的黃淑蔓（Feanna）和連家穎（Vian）打頭陣，抵受13度寒風在海傍穿短裙大曬長腿跳唱新歌《Me& My Christmas Town》，炒熱全場氣氛。在四面台上演出，Fans和途人逾千人圍觀，反應非常熱烈，即興encore令全場歡呼。
Jay和安仔率先合唱安仔新碟內作品《我違和但我不糾正》，其後安仔獨唱《戀愛腦之死》和《我很不愛你》，並感觸分享兩位好友的故事：「早幾年有一個朋友因病離開咗，佢臨走前一晚，叫晒啲朋友去醫院見佢，佢每一眼都好用力，好好記住每一個人。我亦諗起第二個朋友，早前佢有一位好親、好愛嘅人離世，佢覺得生無可戀，甚至乎諗過自己都離開呢個世界。我呢首歌係想送畀我現世嘅朋友，希望當你有啲諗唔開嘅時候，好似歌詞所講，每個人心入面都有美好嘅嘢，值得我哋留喺現世，就好似『象牙白』呢隻顏色，就算褪色仍然優雅。」然後他唱出新歌《心裡尚有象牙白》和《當我們返回現世》。
接著Jay Fung出場，一口氣唱出《無理取樂》、《在愛面前投降》、《膽量鍛鍊之旅》和《你是我的回憶殺》等新碟歌曲，台下Fans熱情揮動燈牌和歡呼。安仔再度上台，Jay表示當年參加歌唱比賽時，安仔以C AllStar身份擔任表演嘉賓，他記憶猶新。原定二人合唱《遠在眼前》後完騷，但Fans反應太熱烈，狂嗌encore，Jay和安仔即興拉埋捧場睇騷的音樂人，分別唱出《在最好的時間做最好的你》和《在錯誤的宇宙尋找愛》，音樂會圓滿結束。
音樂會後，Jay和安仔都表示非常喜歡戶外表演，安仔說：「見到好多人圍觀好熱鬧，唱歌嘅時候仲見到有船駛過，感覺好特別。」Jay透露唱歌時吸了一口冷風後咳嗽，狂飲水舒緩。Jay帶著新碟《EMO》，安仔亦帶著新碟《PROJECT REJECT》，互相向對方介紹自己新碟的特別包裝設計。Jay說：「你可以轉動旁邊呢個位置，咁封面嘅顏色就會變，代表唔同嘅情緒！」百厭的安仔立即來回狂轉動，笑言：「嘩，情緒波動呀！」而安仔就講解要撕爛其包裝取出唱片，寓意打破既有思想。Jay一邊撕開一邊笑說：「搣爛晒，我好心痛呀！」而表演嘉賓Me& 的Vian說：「我第一次喺耳機聽到Jay和安仔唱歌，感覺好神奇，好好聽。」Feanna說：「我覺得最神奇係聽到你唱歌，進步咗好多。其實每次上台表演前我都特別緊張，但你好淡定，幫咗我好多。」
