陳國峰、莊韻澄到餐廳主持開幕儀式。
陳國峰與莊韻澄今日為某餐廳主持開幕儀式。陳國峰早前在網上表示自己確診新冠肺炎，亦因為疫情問題令收入大減，導致出現經濟困難，連交租也成問題。他坦言康復後，健康比以前差了很多︰「我瘦咗成個碼，體質差咗，心肺功能、味覺、胃口同記憶力都差啲，唔多夠氣咁，好似老咗十歲，仲要啲時間先回復最佳狀態。」他又指因為中招關係，須暫停拍攝《破毒強人》及《愛．回家之開心速遞》，現時已全面復工。
搬貨幫補收入
提到經濟問題，陳國峰表示早前投資的餐廳亦已結業︰「生意本身唔好，疫情之後就更加雪上加霜，我都唔係咁啱做生意。」他稱現時只靠無綫的收入過活，「始終呢兩年都無咩出面工作，自己都搵兼職做，有做健身同搬貨，希望健身室開返之後，做番健身工作啦。」
陳國峰提到因為工作關係，擔憂令同住的太太和兩個囝囝受感染而搬到與母親同住，「我同媽咪都確診，感恩太太同兩個仔冇，依家都係同媽咪住，用視像聯絡，有時返到屋企拎嘢，大仔見到我都會喊。」
amJetso 送BIODERMA救星小紅瓶🩷護膚恩物 立即按此參加👇
