陳山聰希望健身室重開之後，可以努力操fit自己。
陳山聰今日到商場出席活動，提到今日派發第一期消費券，他表示未去領取，但已決定全用在囝囝身上。近日他在《金宵大廈2》全裸演出，他的屁股更獲大家認證是「優質股」，他說是因為加了特效︰「我個pat花花哋，有紋同啲印，但無理由叫化妝姐姐幫個屁股化妝嘛，拍三級片咩，於是咪叫人執執，睇落去滑啲。」
陳山聰全裸演出。
自認無綫露體狂
陳山聰稱拍攝這場全裸戲時，沒有清場，當時有近三十人在天台觀看，「我叫啲女仔企後啲，一拍完就即刻圍毛巾。其實無綫好多人都知我係露體狂，因為我好少入更衣室入面換，多數就咁戴個頭笠就換衫，姚子羚、李施嬅同黃智雯都有我著底褲嘅相。」
陳山聰又指因為疫情關係，身形未係最fit，所以現時接不了泳褲show，而拍《金宵2》是最瘦的時候。他說︰「當時又要拍《超能使者》，要除衫所以唔敢食太多，加上開拍續集好大壓力，精神好緊張，嗰段時間都冇咩點食。」
入App免費換走健康產品
