歌手陳慧敏(慧敏哥)日前(3 日)34歲生日。
歌手陳慧敏(慧敏哥)日前(3 日)34歲生，《超級巨聲2》出身的慧敏哥推出新歌《十年如一日》，作為慶祝自己出道10周年的生日禮物。她自言對樂壇發展不太滿意，她感激填詞的林夕「兜巴摑醒自己」，「呢首歌係夕爺送畀我，去審視自己過去嘅光陰究竟過成點。」
歌唱事業原地踏步感無力
《十年如一日》新歌由澤日生作曲、由林夕填詞，慧敏哥感秋生透歌新歌如「兜巴摑醒自己」，她回想過去雖不同範疇中努力，但工作性質頗零碎又缺乏資金宣傳，經常都徒勞而無功，歌其中一句歌詞「十年彷彿一日得我聽到我的聲線」，尤為感觸，「我唔係太滿意過去十年喺樂壇嘅成績，覺得幾停滯不前甚至係原地踏步。夕爺嘅歌詞真係一嘢擊埋嚟，就好似講緊我蹉跎歲月嗰種無力、迷茫感覺，我好感激佢用呢份歌詞，一巴掌去摑醒我，而俾夕爺摑醒我，就算痛，都係覺得抵嘅！」
棺材本都攞埋出嚟
審視10年歲月，讓慧敏哥更感要活在當下，為夢想繼續賭下去：「呢首歌入面，老實講，有好多可以打動到我嘅歌詞，好似『為昨天賭上明天』、『別要等 被自己討厭』如將我嘅歌唱事業比喻為一場賭博，可能我真係輸咗十年啦，但係我問自己，輸咗十年，繼唔繼續賭落去呢，呢一刻，我決定為我嘅夢想去付上呢個責任，所以呢單嘢我真係連棺材本都攞埋出嚟喇！」
感恩香港人沒有放棄自己
問到過去十年最大的得着，慧敏哥是結識到一班對自己不離不棄的朋友，同時，她亦慶幸去年疫情最嚴重時，自己能夠從澳門返港，認識到現時的合作夥伴，亦因為一班年輕人，讓她知道這個地方，仍有不少人喜歡舞台上的自己。「因為香港呢個地方，香港嘅人冇放棄到我，我先可以喺今日冇放棄到自己，有勇氣去重新出發。」而慧敏哥生日願望，是希望新歌能夠分享給更多朋友知道，並透過這首歌的坦白和自省，能夠為未來的自己，賭上一個更好的明天。
amJetso 送BIODERMA救星小紅瓶🩷護膚恩物 立即按此參加👇
