陳智燊、宋熙年今日出席活動，並提到二人對小朋友去海外升學問題有分歧。
陳智燊(Jason)出席英國物業投資發布會，活動由他的太太宋熙年主持。Jason早前到英國拍攝網上節目《JASON在英國》，介紹英國衣食住行各方面，但在片中不時抱怨當地物價昂貴，遭網民及KOL批評他斷章取義、有誤導之嫌。
Jason表示影片說出部份事實︰「我都有睇網民嘅留言，再諗下自己啱唔啱，其實每個地方都唔同，都已經盡量貼地，之前啲朋友都話唔想睇名店、貴嘅餐廳，所以拍嘅時候都謹記住，去拍茶餐廳、搭車、泊車，講完市區貴啲，都有講郊區就平啲，唔係單方面講倫敦係點，算係多方面、多元化。如果先播出蘇格蘭嗰集睇靚風景，相信反應會唔同，倫敦始終係一個緊張啲嘅城市。」
Jason表示片段內容有提到市區及郊區的物價。
英國升學定澳洲升學？
Jason又提到之前有幸到英國拍攝，順道可以探望家人兼拍下片，宋熙年力撐老公並指會接納不同意見，看哪些地方需要改進，並稱這次拍攝的地方都是老爺當年工作或到訪過，所以對他們來說別具意義。然而，兩公婆表示在小朋友的升學問題上出現分歧，Jason認為英國的學府較好，宋熙年則喜歡自己成長的澳洲。他們表示會看小朋友的意願，但他們因在香港工作，所以以香港為家。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
