陳豪和張曦雯今日（13日）出席TVB新劇《俠醫》造型記者會。（娛樂組攝）
陳豪和張曦雯今日（13日）出席TVB新劇《俠醫》造型記者會，他們即將會在新劇合作，被問到過往二人的合作經驗，張曦雯接受訪問表示：「其實都唔係好多次，得《企業強人》同埋《破毒強人》。」陳豪則回應：「好似有好多，咁即係觀眾對我哋嘅印象深刻。」他們異口同聲表示：「雖然合作咗咁多次，但係冇好似做情侶嘅嘢。」被問到新劇中會否有「錫錫情節」，陳豪笑言：「有嘅，不過好似唔係我哋度。我哋分場嘅劇本都未出晒，所以變咗我哋要問一問監製，我就有個保留先。」
陳豪和張曦雯即將會在新劇合作。（娛樂組攝）
陳豪回應被指內地開餐廳與食客聊天
提到陳豪日前現身內地某間餐廳門口與客人聊天，隨即被指開新餐廳，他立刻澄清：「其實唔係我開嘅，只不過嗰日就做咗啲抖音嘅拍片工作。」他繼續指當天與他聊天的對象只是工作人員。
陳豪刻澄沒有在內地開餐廳。（娛樂組攝）
張曦雯專注拍劇唔諗結婚
講到張曦雯早前於萬千頒獎典禮透露有喜訊公布一事，她回應：「暫時都未有任何時間有任何喜訊。」陳豪則幽默回答：「我有咗啦！有咗劇拍啦！」談及會否考慮今年結婚，張曦雯坦言：「暫時唔會呀！我工作都排到年尾。」張曦雯和陳豪預告這幾個月會忙於拍攝新劇，而新劇即將會在今年九月或十月份正式播出！
立即更新/下載AM730手機APP 體驗升級功能
