葉德嫻(Deanie姐)與蘇玉華、潘燦良、凌文龍等，昨日為舞台劇《親親麗南》宣傳，Deanie姐與蘇玉華將會扮演母女。今次是Deanie姐首次演出舞台劇，她笑言︰「唔知佢哋點解搵我呢，我都一把年紀，可能做埋今次就Goodbye啦！」
蘇玉華和潘燦良表示今次可以Deanie姐合作，感到興奮，阿蘇稱對方有次買飛入場看他們的演出，之後因緣際會之下出來茶敘，繼而促成今次合作。Deanie姐自嘲是豬隊友，直言舞台劇要考記性，坦言不及後生仔吸收得快，並要向「前輩」凌文龍請教，嚇得在旁的凌文龍說︰「唔好玩我啦太后，我係小龍子。」Deanie姐再回應說︰「對我呢啲新手有咩意見，懇請你點醒我，我係真心、謙虛。」
提到最近的警民衝突，她表示一直都關注︰「我希望大家明白到點解會出現暴力，唔好忘記點解出現呢件事先！喺呢度我更加要多謝年輕人，612如果唔係佢哋，呢個惡法已經通過咗。我點都好，直至今日呢一個時刻都係，好多謝佢哋！」問到會否繼續支持學生，她呼籲學生繼續堅持︰「你哋做得好啱，你哋冇做錯！」她又謂自己沒權平息社會紛爭︰「個權喺邊個手？個權喺邊個手咪可以解決囉。」
入App免費換走健康產品
