![](https://cdn.am730.com.hk/s3fs-public/styles/article_image/public/news_image/1623322404_lE.jpg?itok=YumQ83qK)
今屆香港小姐首輪面試中,討論度最高的便是來自東涌的一名申請者,網民形容她的樣子長得很似佛祖及藝人羅浩楷,更留言「好有佛相」、「見到佢彷彿見到佛光在頭後,腳踏蓮花座。個心,即刻平和晒」、更直言「佢已經係我心目中2021年度香港小姐」,並表示「大家一齊推上冠軍」。然而,該名佳麗的提名人竟然是林作!
![林作是Kirsten的提名人。](https://cdn.am730.com.hk/s3fs-public/styles/article_image/public/news_image/1623322052_E6.jpg?itok=ukh4JIkD)
林作是Kirsten的提名人。
![早前林作在社交平台上載一封報名參選《2021年香港小姐》的電郵通知書,有人笑言他提名裕美參選。](https://cdn.am730.com.hk/s3fs-public/styles/article_image/public/news_image/1623322030_0j.jpg?itok=tSHuhGSG)
早前林作在社交平台上載一封報名參選《2021年香港小姐》的電郵通知書,有人笑言他提名裕美參選。
林作今日在facebook表示他是該名港姐1申請者的提名人,更稱是「#信心之選 #請大家多多支持」正當大家以為他抽水之際,他向本報證實其提名人身份。他表示該名女子叫霍韻璇,英文名叫Kirsten,芳齡19歲。林作說︰「我哋只係普通朋友,唔係我啲保險下屬。點解我提名佢,係因為我睇到大家睇唔到嘅嘢,覺得佢好有氣質,絕對係可以打破『美貌與智慧』嘅傳統,絕對係可一不可再!」問到如果Kirsten入不到圍,會否感失望,林作充滿信心表示︰「入唔到咩?未出結果,實入到!」
![有網民認為Kirsten似藝人羅浩楷。](https://cdn.am730.com.hk/s3fs-public/styles/article_image/public/news_image/1623322402_h5.jpg?itok=I57LC2FG)
有網民認為Kirsten似藝人羅浩楷。
![網民力堆。](https://cdn.am730.com.hk/s3fs-public/styles/article_image/public/news_image/1623322394_oK.jpg?itok=nmPU7izZ)
網民力堆。
![](https://cdn.am730.com.hk/s3fs-public/styles/article_image/public/news_image/1623322397_pq.jpg?itok=IwwHJDkJ)