張繼聰和謝安琪今日 (10/3)出席「香港電影導演會周年晚宴暨年度頒獎典禮」。 (林俊源攝)
張繼聰和謝安琪今日 (10/3)出席「香港電影導演會周年晚宴暨年度頒獎典禮」，二人以夫妻檔接受訪問，張繼聰表示：「今日導演會都好開心，我有任務去頒獎，我去做頒獎嘉賓頒個女配角嘅獎項，當係金像獎嘅前哨戰，今年金像獎有好多候選嘅演員朋友都喺度，自己都經歷過金像獎有提名，今晚如果坐喺度嘅人都會緊張，所以想食花生。」
謝安琪受訪強忍淚水。 (林俊源攝)
張繼聰指方大同離世有慰問伯母
被問到較早前好友方大同離世，二人的心情如何，張繼聰表示：「現在好啲啦！一開始嘅時候好艱難，但就好好搵一個方法去習慣。前幾日好啲可以開始聽吓佢嘅歌，呢樣嘢要時間，有共識之後要關心吓伯母，唔夠膽想像伯母嘅心情。」被問到是否一早知道方大同的死訊，他坦言：「我哋之前唔知，知道呢個消息嘅時候最後有搵到佢嘅屋企人去證實，對我哋嚟講都好突然，由舊年開始比較多聯絡，我係知道呢幾年佢經歷緊啲乜嘢，我哋幾個好close嘅朋友相處，都覺得個病情係向好方面發展，所以都好突然。」
至於對上一次與方大同聯絡，他們異口同聲表示：「上年12月左右，農夫嚟我哋屋企玩嘅時候影咗啲相send俾方大同。」張繼聰一邊接受訪問期間，謝安琪則全程強忍淚水，甚少作出回應。
張繼聰否認一早知道方大同的死訊。
立即更新/下載AM730手機APP 體驗升級功能
