馬志威出席活動，直認與COLLAR經理人戴穎拍拖。
馬志威昨日(15日)出席新車發布會，他自言近期受駕駛電動車，既慳燃油費又環保，他近期加入了藝人自組的「FC3」球隊，作為裝備總監，經常要協助運送器材，加上練波後可順便接載隊友回家，駕駛七人車較方便。早前馬志威被偷拍到與COLLAR經理人戴穎拍拖，問到可會接載全隊COLLAR時，他笑問：「夠唔夠？」談到跟戴穎的戀情，他再三表示希望低調處理感情事。
相識多年舊同事
馬志威表示與戴穎是舊同事，兩人認識多年，問到公開戀情可感壓力時，他回應，「知道新聞出咗，其實對我哋就冇造成任何壓力。始終都係人，都係正常嘅事，但想低調，俾啲空間我哋，始終佢唔係幕前，有咩問題問我，唔好問佢，聽聞上次追住佢嚟影。」
受女友影響愛食辣米線
他笑言被偷拍時與女友專心食米線，問到是否受對方影響愛上吃辣和吃米線，「以前我係唔鍾意食辣，因為每次食辣都會全身爆汗，搞到滿頭大汗。相反而家係鍾意咗食。」問到欣賞對方甚麼時，「我哋自己事，好尷尬，互相欣賞。」至於可會情侶檔工作，他就耍手擰頭，表示對方是幕後。他透露快將有戲劇作品推出。
限時早鳥優惠 火速訂位 | am730母親節溫馨晚宴 $5000福袋等你拎!
