馮允謙(Jay Fung)於昨晚(25日)在《CHILL CLUB推介榜 年度推介21/22》獲得「年度唱作歌手」銀獎後，今早再迎來另一好消息，他首個演唱會《馮允謙Have a JAY Time 2022 演唱會》的優先訂票，火速售罄，可謂雙喜臨門。他興奮表示，「我等咗十年終於可以開個人演唱會，而知道好多人想嚟睇，我覺得好感恩。買唔到飛嘅朋友唔好灰心，遲啲仲有公開發售。希望之後限聚人數放寬或者加場，咁就可以多啲朋友入場睇我唱歌，不過呢啲都只係我嘅夢想啦！」
當被問到得獎感受時， Jay大表感恩：「雖然我付出好多努力，寫咗好多歌，但公司團隊和其他合作單位都好努力，所以我想用呢個獎報答佢哋。我有好多歌要寫，唔可以停 ，要繼續衝。(剛才鄭欣宜公開向你追歌？)係，其實我寫咗，但覺得未完美，Joyce值得擁有最完美，所以我要調整到最滿意先至畀佢。」
amJetso 送BIODERMA救星小紅瓶🩷護膚恩物 立即按此參加👇
