馮允謙推出全新派台作品《在愛面前投降》。
馮允謙（Jay）推出全新派台作品《在愛面前投降》，作曲馮允謙、陳考威和黃兆銘，陳詠謙填詞，編曲黃兆銘，監製陳考威。Jay日前在酷熱天氣警告下，穿着皮褸、圍巾、皮靴拍MV，爬高蹲低走過樹林，他竟然笑說：「有啲凍！」
Jay不是熱到傻，是工作人員給他的退熱貼、降溫噴霧和風扇，加上他自我催眠的神奇力量，他說：「今日嘅場景就好似去咗一個末日世界，我除咗行嚟行去，仲要爬上爬落和走入樹林，因為啱啱落完雨，周圍好多蝸牛，要好小心行，唔好踩扁佢哋。今日三十幾度，我不停催眠自己得十度，途人見到我着成咁仲成面傷痕，都被我嚇襯，以為我傻咗！多謝公司同事對我好好，風扇、冰貼和噴霧幫我降溫。」談到新歌，Jay表示：「呢首歌係講同另一半有拗撬嘅時候，係咪一定要拗贏？定係Let it go輸俾佢？其實最緊要係一齊，呢樣嘢先係最緊要。」Jay在MV中以一個「隱形的旁觀者」見證一對情侶，由求學時期到拍拖，男方因病無法繼續相愛，向女方求婚，相約下世再續前緣，這一段深情告白令鏡頭外的Jay感動，戲中擁抱女主角時流下真眼淚。
馮允謙在酷熱天氣警告下，穿着皮褸、圍巾、皮靴拍MV。
「明明係一個好sweet嘅故事，但係個結局好凄美，佢哋拍求婚戲時真係令我好感動。（點解你唔做埋MV主角？）我同導演溝通嘅時候，覺得由其他人演會更適合，因為由讀書到拍拖，我着校服唔係好夾，依家以旁觀者睇佢哋嘅感情發展效果更好，相比我做唔做主角更加重要。」MV中，Jay見到這對情侶的故事，想到自己的女朋友，在衣袋掏出「女友」的相片，這是導演用AI設計，Jay向工作人員介紹她叫Jenny，非常搞笑。而今次新歌《在愛面前投降》 的MV女主角Jackie，曾在Jay另一首作品《給缺席的人唱首歌》MV中飾演少女版媽媽，她在今次MV現場與Jay「相認」。
amJetso 送BIODERMA救星小紅瓶🩷護膚恩物 立即按此參加👇
