馮盈盈指監製讚她第一輯打入三甲表現好，因此找她做主持。
汪明荃(阿姐)、阮兆祥、馮盈盈、袁偉豪及宋宛穎等，昨晚出席《好聲好戲》第二季錄影拜神儀式。馮盈盈取代賴慰玲擔任主持，她表示因監製讚她第一輯打入最後三甲表現良好，故今輯可以過來人身份分享經驗，她說：「節目最好睇係評判不留情面，對參賽者嘅批評一針見血，咁我可以用過來人嘅身份去潤飾件事。」說到她踢走賴慰玲，祥仔就解釋因賴慰玲要拍劇做女一，劇組度不到期放人，但都希望她同陳自瑤可以做壓軸嘉賓。
上一輯做參賽者的馮盈盈，今輯則擔任節目主持。
阿姐澳門隔離唔覺悶
剛由澳門返港的阿姐，對於首次在當地接受隔離，她說比想像中容易度過：「可能心中有數知會隔離幾多日，自我做咗調節，否則會好忟，同埋後來又放寬咗政策，減到只隔離7日。」阿姐又透露，在酒店隔離期間很忙，要練歌，連電視都沒有開過，因為12月有演出，帶了粵劇劇本去睇，還有踩健身單車及夜晚洗衫。問到可有掛念老公羅家英，阿姐笑說：「少少啦，佢去咗新加坡探親同玩，已經返咗嚟嘞，佢話早知唔使隔離咁耐都去澳門，我哋每晚都有通電話。」阿姐表示，返港後有很多工作，又要做回歸節目，短期內都不會再離港。
阮兆祥、阿姐繼續擔任《好聲好戲》主持。
🎁 amJetso請你睇《焚城》，快Ｄ開APP玩👇 👇
