麥明詩日前拉埋丈夫、老爺及爸爸一同拍廣告。
「十優港姐」麥明詩(Louisa)與機師盛勁為(Keith)於今年三月尾舉行一連三場「勁甜麥」婚宴，婚後的麥明詩未有退隱幕前，反而人氣更旺，密密接廣告。繼日前母親節為配合品牌送上休閒背囊後，適逢父親節將近，她又與老公，爸爸以及老爺一起拍廣告，不過，卻惹來網民的惡評。
麥明詩日前拉埋丈夫、老爺及爸爸一同拍廣告，除表示：「有錢齊齊搵」更笑言「有出糧畀兩老」。 不過有網民狠批麥明詩擺老人家上枱，紛紛留言表示：「你都得㗎喇。你攞埋老爺賣廣告」、「老爺都唔放過？好新抱」，更有人指她：「真係折墮，嫁咗仲要出嚟賺錢，仲要埋老爺出嚟做埋戲，好好地走去選港姐又入唔到豪門」。對於負評，向來高EQ的麥明詩不但沒有刪掉留言，反而截圖轉發以「貼堂留言」4字回應，相當大方。
