麥潔文今日舉行記者會，宣布10月16日於麥花臣場館舉行一場《BACK月黑風高旺角夜》演唱會，其夫戴止墨鏡以黑白對比造型現身，麥潔文指，女兒陳薔天、丈夫江華會擔任表演嘉賓，問江華會否咪霸、搶咪，麥潔文笑說：「俾個膽佢都未必敢啦。」江華則說：「我好乖、好識大體，唔會喧賓奪主、唔會搶咪，主要是做配合嘅角色。」
麥潔文指，江華現在每日一起身就練歌，明顯練定歌想有機會獨唱，不過暫定和她合唱當年與張國榮一起唱紅的名曲《Miracle》，問江華會否仿效張國榮的《大熱》長裙造型，江華豪氣地說：「要著裙或者長髮都未驚過。」
至於舞台服飾方面，問麥潔文性感尺度是否要讓江華審批，江華即說：「佢有本錢著得起，我冇問題，而且性感唔等於暴露，結婚20幾年，佢全身都經過我Scan過。」麥潔文則稱：「放心，歌衫一定多布，因為下擺要大，上身就可能少啲布。」
amJetso 送BIODERMA救星小紅瓶🩷護膚恩物 立即按此參加👇
