黃偉文大曬當年跟張國榮吳君如「信和相」。
黃偉文（Wyman）向來與吳君如非常老友，他亦為無數位歌手填詞，就連已故的張國榮梅艷芳等巨星都有屬於Wyman填詞的金曲。雖然，Wyman近年移居英國，但身在外地的他依然活躍於社交網，今日(21日)凌晨他就在社交平台分享一張30年前與吳君如、張國榮（哥哥）的舊合照。
相中見吳君如個樣冇乜點變，反而Wyman就比而在瘦得多，Wyman 寫道︰「今日電話相簿無端端彈出呢一張。1994年5月，原來足足30年。好似係十幾年前，fans翻拍佢自己珍藏嘅『信和相』俾我嘅，好在有『信和相』，否則呢張當年應該冇喺報紙雜誌同任何媒體上面出現過的相，我都冇留底。」 他續笑問仲有冇人知咩係「信和相」？並解釋點解他一眼就認得出係「信和相」，「因為佢嘅特色就係，唔理三七廿一全部落一個條邊都『化』晒嘅超勁soft lens !）不過呢張翻拍相其實十幾年前已經流落市面，上網都搵到不過通常係有水印嘅，至於點流出去我就唔知啦﹗」相片掀起不少網民的童年回憶，並紛紛留言表示「好經典」、「以前花過好多錢喺信和」、「信和式獨有Filter」 、「記得以前係$4一張相」。
吳君如近年飛英國亦會不時跟黃偉文相聚。
