夏蕙BB以「小虎女」造型現身。
今年無得拜頭注香，但新年又點可以少咗黃夏蕙「夏蕙BB」。貴為「頭注香KOL」的她，最近就參與由甄采浠（前名甄詠珊）、安俊豪、蘇家欣、李妍、吳啟釗及葉芷如等人主唱的賀年歌《我要祝福你》MV演出。
在MV中，夏蕙BB不單止以虎年的「小虎女」造型現身，還在MV內向各人熱情送吻，又跟安俊豪及吳啟釗「拖手仔」，祝福各人都新一年大旺。
對於無得上頭注香，黃夏蕙說：「年初一冇得入黃大仙，已經係注定！其實每一個宗教嘅信仰，都會喺信徒心中永恆不滅，當然如果能夠可以親自到黃大仙廟上炷香，就當然係心安理得啦，不過而家政策咁樣，乜我可以講多一句說話咩？只有希望2023年可以一切如舊，年三十晚上投注香啦！」而參與賀年歌演出，她更一口答應，覺得新年喜慶洋洋之餘更力撐新生代歌手，而各人見到夏蕙BB出現都十分驚喜，甄采浠說：「公司事前只係同我地講有特別嘉賓，所以黎到見到夏蕙BB都好開心。」安俊豪覺得夏蕙BB係新年既代表人物，可以合作到，是寓意新年有好的開始。對於被夏蕙BB送吻，蘇家欣笑說：「佢好熱情，又好好人，搞到我都怕醜呀！」
立即更新/下載AM730手機APP 體驗升級功能
